Les Pages Jèrriaises

Un rêve


J'tais dans eune vielle ville, et y'avait eune ruette tchi pâssait un grand bieau bâtisse auve des colonnes. J'entris dans l'bâtisse et amontis au preunmié êtage. La montée 'tait êtraite et les muthâles avait des portraits d'sus et y'avait du bouais stchulpté. Lé d'dans du bâtisse 'tait êcliaithi caudement. Dans l'allée au preunmié êtage j'èrtrouvis l'Rouai Ouoyamme jutchi sus eune boête contre la muthâle. I' 'tait d'sabilyi en manches dé c'mînse. Sa c'mînse 'tait rouffliée, sans colyi et l'rouai 'tait dêpétrinné mais trantchil'ye. Jé l'pâssis sans vraînment l'èrmèrtchi trop mais en arriéthe-pensée j'èrbroussis c'mîn et lî chuchotis dans l'ouothelle qué la noblièche l'avait trahi et l'èrnonchi et qu'i' s'sait d'mêtchi d'happer la pathe à l'êtrangi où'est qu'i' y'avait des nobl'yes fidèles. Lé rouai restait trantchil'ye.

Rêvé l'4/12/2021

 

Viyiz étout:

 

Les Pages Jèrriaises