J'tais dans eune grande chambre auve des meubl'yes et d's annimaux. Un p'tit êteurcélet volit trop près d'l'aigl'ye sus l'jutcheux et fut happé dans ses grîns. J'vîns à s'n aîgue et l'aigl'ye lâtchit lé p'tit ouaîthé tchi s'envolit pouor grînmer l'cat tchi 'tait dans l'aithe. Lé cat 'tait blianc et si l'ouaîthé laîssit des douoth'thies d'sang sus san pé par aver 'té grînmé par l'aigl'ye ou si l'êteurcélet grînmit l'cat jusqu'au sang, jé n'tais pon seux. Lé cat mârri cachit l'êteurcélet tchi s'en volit l'travèrs d'la chambre et pâssit un modèle architectuthé d'un grand bâtisse tch'avait eune tou au mitan épis eune grande statue d'un soudard mâtée sus l'haut d'la tou. L'êteurcélet tapit la statue atout s'n aile en volant et la statue tchit bas sus la tabl'ye. Ch'tait un dgèrnissement, la tchête du soudard et ch'tait lié auve la mort d'un garçon tch'avait tchée d'eune falaise ou tchiquebord d'aut' à ches drein.
Rêvé l'23/4/2024
Viyiz étout: