J'tais dans eune grande boutique. Dans l'départément d'habits nou 'tait à distribuer des vèrrées d'vîn ès pratiques. Y'avait là au ras des câsaques deux jannes hardgieaux, des garçons dé dans les tchînze ans, et nou m'baillit des vèrrées d'vîn pouor ieux. Lus péthe arrivit et j'lî dis qu'pouor dé mé jé n'tais pon gêné si les garçons b'vait l'vîn mais viyant qu'i' 'tait lus pathent, li, ch'tait à li d'décider.
Nou m'baillit des titchets pouor la fanmil'ye pouor aller dans un grand baté en mé. Auve les titchets y'avait des boulets contre lé tchoeu d'vômi, assez pouor deux-trais jours dé viage, ch'est en tchi i' s'n'allait y'aver eune tempête. La fanmil'ye prîntent les titchets et les boulets.
Rêvé l'6/1/2024
Viyiz étout: