Dans man rêve, j'tais au liet et jé m'rêvilyis à eune heuthe vîngt. J'criyais qu'j'avais mantchi un appouaintment à eune heuthe dé l'arlévée mais ch'tait eune heuthe vîngt du matîn et ch'tait acouo la niet. Lé chein tchi 'tait dans l'préchain liet à mé fliantchit eune braichie d'brantchettes et d'laine à mé.
J'arrivis en Jèrri par avion, mais j'restis à l'aéroport. J'mîns man titchet dans eune aûmathe et j'm'en fus dans la parqu'thie et j'trouvis eune vaituthe tchi n'tait pon bârrée et j'm'assiévis dans la vaituthe et j'm'endormis auve ma tête pendue en d'houors d'l'ôsaine d'la porte. Trais hardgieaux vîntent sus des bikes et m'rêvilyîtent. Il' avaient r'gret d'm'aver rêvilyi mais i' 'taient tchuthieurs pouor pouortchi qué j'tais endormi dans la vaituthe. Iun dg'ieux m'pâlit en Jèrriais en dîthant qu'il avait c'menchi eune page d'Ithangnie. Mais jé n'l'avais pon comprîns la preunmié fais qu'i' m'pâlit et i' r'pétit chein qu'il avait dit. J'men fus par les c'mîns mais sus la route y'avait des muthâles en grannit les deux bords d'la route amont l'mont et i' n'y'avait pon d'trottouaithe et j'avais peux d'aver à couôrre dans du trafi et don j'm'rarroutis à l'aéroport.
Rêvés l'4/8/2025
Viyiz étout: