J'tais en Crête. Lé solé lithait. J'tais auve eune dgaîngue dé vîsiteurs. J'nos d'sabilyînmes pouor entrer dans eune églyise. J'm'enfliubis atout un drap tch'avait des bliues flieurs sus. L'églyise 'tait du dgiêx-neuvième siècl'ye mais avait 'té bâtie coumme eune ruinne archéologique des touos vièrs temps auve eune grôsse colonne rompue à l'entrée auve des hiéthoglyiphes stchulptées sus (ché n'tait pon des véthitabl'yes hiéthoglyiphes mais des sŷmboles pouor èrprésenter manniéthement d'l'êcrithie ancienne). Lé style du bâtisse 'tait pus à co Byzantîn. Ch'tait un honneu d'pouver vîsiter l'églyise tch'avait 'té bâtie en Crète par un vitchaithe Britannique. L'églyise n'tait pon ouèrte tréjous. Eune d'scendante du vitchaithe nos atchilyit. Ou d'meuthait dans eune maîson d'à côté quâsiment sus la grève. L'us d'la maîson 'tait vèrt. Ou 'tait d'scendante étout d's escliaves qué nou soulait garder en l'île y'a bein longtemps. Dans la rue y'avait d's êcritchieaux pouor explyitchi l'histouaithe dé l'escliavage en Crète au temps pâssé. Auprès chenna, j'nos êtrav'lînmes sus la grève, et mé j'tâchais dé m'garder couèrt atout l'drap, ayant laîssi m's habits à l'entrée d'l'églyise.
Rêvé l'12/9/2023
Viyiz étout: