J'tais dans eune aubèrge dé campangne, et j'tais habilyis dans des pyjamas rîlyis et man bén'gône. Y'avait tout pliein d'monde dans l'aubèrge et y'avait d'la musique et trais dans'rêsses tchi dansaient l'tou d'l'aubêrge, en d'dans et l'travèrs des portes. J'admithais les dans'rêsses coumme i' m'pâssaient. Ouaithe qué j'portîsse mes pyjamas, j'avais eune rouoge câsaque mais i' 'tait d'mêtchi d'la tremper dans dé l'ieau. La marchandise quémenchait à dêpenser dans l'ieau, et quand no m'învitit d'rester à l'aubèrge pouor l'arlévée quand y'éthait eune rêunnion ou cérémonnie, j'n'avais pon d'câsaque à mett'. En d'houors d'l'aubèrge sus la bliête, y'avait des tchaîses en bouais arreunées par trais bords pouor l'êvénement. Les tchaîses avaient d'la stchulptéthie en bouais, d'sŷmboles et êtchussons, et les parties stchulptées 'tait peintes en couleurs bein cliaithes. Nou m'offrit eune rouoge câsaque pouor participer, et j'laîssi ma câsaque trempée dans san bachîn et j'm'en fus auve les aut' en d'houors dans la rouoge câsaque et les braies d'mes pyjamas.
Rêvé l/4/5/2024
Viyiz étout: