Les Pages Jèrriaises

Un rêve

J'tais dans un grand vièr bâtisse, ofûche un châté. Dans iun d's appartéments j'rencontris un vièr coupl'ye. J'nos connaîssêmes dêjà. I' 'taient à tâchi d'plier des draps et couvèrtuthes ensembl'ye. Les draps 'taient en fîn lîn couleu d'crème et les couvèrtuthes 'taient richement brodées atout du fi d'or dans des difféthents patrons géometriques.

À seule fîn d'aîdgi ès vielles gens j'lus mouontris comme tchi patchi conv'nabliément un drap d'auve eune eune couvèrtuthe. I' m'èrmèrcyîtent et dîtent qué v'là tch'aîgu'thait pouor la cérémonnie pus tard dans la cathédrale. Mé, j'rêponnis qué j'savais qu'i' y'éthait des costeunmes mais jé n'criyais pon qu'les draps 'taient à propos. Si-fait, qu'i' m'rêponnîtent, nou-s'éthait à mett' un d'vanté.

Rêvé l'27/7/2022
 

Viyiz étout:

 

Les Pages Jèrriaises