J'entris dans l'cabinnet du directeu du collège et j'avais à graie ou trouver des papièrs sus s'n êcritouaithe. Y'avait d's êtudgiants tch'avaient fait du mêché, et la fanmil'ye dg'iun d'ches collégiens-là vînt porter pliainte contre lé collège. Nou lus explyitchit qu'i' n'y'avait rein à faithe: nou n'tait pon pouor peunni l'janne Anderson, ch'est en tchi i' 'tait quâsîment eune grande pèrsonne et 'tait pouor tchitter l'êcole en tout cas, mais i' dévthait comprendre chein qu'il' avaient fait et qué l'seul mouoyen d'rêtablyi la r'nommée du collège s'sait d'faithe dé tchi en publyi. Quandi qu'Anderson, habilyi en brun fa, et sa fanmil'ye espéthaient sus la bliête en d'houors au solé - j'les viyais par les f'nêt's du cabinnet du directeu - nou ouïyait eune annonche par des porte-vouaix l'tou du collège. La vouaix du directeu dit qu'pouor l'année tchi v'nait tout l'bas du bâtisse du collège s'sait fait sèrvi par des nosses Belges.
Rêvé l'3/4/2019
Viyiz étout: