J'tions à marchi amont des vielles rues êtraites. Nou n'tait pon en Jèrri, mais nou pâlait l'Jèrriais. Ch'tait eune vielle ville sus un mont, auve des p'tites maîsons l'long des rues pavées. Les maîsons 'taient en briques, breunes, rouoges et oranges. L'matîn 'tait cliai et pûtôt fraid. J'tions à pâler en allant amont. Sus l'haut d'la ville un grand bâtisse 'tait à feu et un tas d'grise feunmée montait dans l'bliu ciel.
I'n' y'avait ni d'peux ni d'panique.
J'nos rencontrînmes dans un vièr garage, où'est qué j'dév'thions prendre un char-à-banc pouor faithe eune touônnée.
Geraint Jennings
10/10/2000
Viyiz étout: