Les Pages Jèrriaises

Un rêve

J'allêmes amont un mont et j'vînmes à un endrait où'est qu'i' y'avait dé tchi à vendre êtrav'lé sus la bliête. Y'avait eune dgaîngue dé nous à viagi et j'èrgardînmes lé bataclian et i' n'sembliait pon y'aver un tas d'valeu. Mais nou m'proposit d'èrgarder tchiquechose tchi 'tait coumme un patchet d'cannevas auve du méta d'dans. Nou m'explyitchit qué ch'tait eune bike. Et quand j'dêplyis lé cannevas, né v'là eune bike en bouais et méta auve des pannieaux en cannevas - tout net et lithant; lé méta 'tait êtchuthé, l'bouais poli et l'cannevas cliai d'couleu. La bike 'tait bein stylée. Nou m'proposit d'êprouver la bike et j'm'y'êtchèrfroutchis et tâchis d'pédaler l'tou des tas d'papièrs et boêtes. Ché n'tait pon aîsi d'pédaler par les carres mais la bike 'tait confortabl'ye et allait bein. J'fis eune touônnée et r'vîns au c'menchement.

Rêvé l'16/9/2018

 

Viyiz étout:

 

Les Pages Jèrriaises