Les Pages Jèrriaises

Un rêve

J'tais sus un baté à vaituthes tchi crouaîsait lé Ch'na. À la dreine minnute d'vant dé v'nîn en rade, jé décidis d'acater dé tchi sans împôts. Dans la salle du baté, au mitan y'avait un grand long compteux auve deux bords auve des ais entre les deux bords où'est qu'nou vendait des produits sans împôts. La grande mâjorité d's acateurs avaient c'mandé lus acats d'l'avanche et vîndrent râmasser chein qu'il' avaient c'mandé - et i' pathaîssait qué ch'tait pus à co des chaînes en or dé tchi y'avait un amas d'pendus driéthe lé compteux. Mé jé n'tais pon seux si j'pouvais tout sîmpliément acater d'tchi au compteux sans l'aver payi pouor d'l'avanche mais nou m'asseûthit qu'i' n'y'éthait pon d'problième. Jé d'mandis eune boutelle dé vodka et nou m'baillit eune potée dé g'lée d'frâses.

Rêvé l'5/3/2023
 

Viyiz étout:

 

Les Pages Jèrriaises