Les Pages Jèrriaises

Un rêve


J'avais mâté man j'valot dans un gardîn mais j'n'avais pon d'cannevas à peindre sus. Alentou d'mé l'gardîn 'tait mouoilli auve des mathes dg'ieau chîn'-et-là. Y'avait des pliantes dans des p'tits pots. Ches pliantes 'taient grises, un mio comme des agaves, mais ch'tait des cônets, ou des pliantes à cônet - comme un cônet plianté la coue en bas dans châque pot et la tête en haut. Ch'tait pus à co du pité dans les pots et les cônets 'taient trempés et lus grands ièrs 'taient comme si en lèrmes. Les cônets m'èrgardaient tristrément. Ch'est en tchi lus tentatchules avaient 'té grugies par les grandes lînmaches tchi drissaient sus la tèrre du gardîn et montaient dans les pots à seule fîn d'mangi les pouettes des pliantes-cônets. Dans l'gardîn y'avait étout un grand pot plianté d'auve un grand gris cônét d'même.

Rêvé l'31 d'Dézembre 2021
 

Viyiz étout:

 

Les Pages Jèrriaises