J'tais à ensîngni dans eune êcole mais j'n'avais pon d'cliâsse et nou voulait qué j'âgîsse en ville m'ner eune pratique d'èrcitâtion. I' tchiyait d'la plyie. Y'éthait eune fête à Coutanches et eune femme voulait en saver pus long. Ou griyit un vidgo pouor d'mander d'l'înformâtion et pouor mouontrer san neu tatouage. Dans chu vidgo ou 'tait belle, toute fîn frais nue, et êtrav'lée sus un rotchi. Sa pé 'tait tatouée chîn' et là; ch'est des p'tits tatouages - ou n'tait pon toute tatouée. Sa pé 'tait blianche contre lé brun rotchi et ses g'veux 'taient longs et bruns. Lé caméra pâssit amont san corps et arrivit à san bras dêtre où'est qu'oulle avait san drein tatouage: ch'tait un avion tch'avait, au run d'un nez d'avion, eune grande tête dé garçon tchi portait eune castchette du Collège Victoria.
Rêvé l'16/8/2015
Viyiz étout: