J'têmes sus la falaise au d'ssus d'un port auve eune grève. Lé port 'tait p'tit et au but d'la grève y'avait eune caûminne auve eune bangnérêsse (tchi 'tait quâsiment pus grande que la caûminne). Ch'tait l'sé et j'viyêmes des fliambes, ch'est en tchi la maîson 'tait à brûler. La brigade 'tait là auve lus tchuyaux à êprouver d'êcliûther la caûminne dg'ieau. La maîson fut sauvée mais les bârrotîns en bouais tchi s'pathaient la bangnérêsse d'auve la mé fûtent brûlés. J'nos en feûnmes nos bangner dans la bangnérêsse. N'y'avait pèrsonne à la maîson, et achteu qu'i' n'y'avait pon d'cliôtuthe entre la bangnérêsse et la mé, tout sîmpliément l'talustre, nou pouvait s'y r'pôser. L'ieau avait 'té caûffée par la brûl'lie et les tchuyaux d'la brigade avaient remplyi la bangnérêsse jusqu'au bord. J'nagînmes dans l'ieau. La séthée 'tait belle. Y'avait un nier et blianc cat à la maîson tch'aimait l'ieau. I' nageait parmi nous. J'lé fliattêmes coumme i' pliongeait souos l'ieau.
Rêvé l'11/10/2023
Viyiz étout: