Les Pages Jèrriaises

Un rêve

Lé solé lithait à West Park et y'avait eune grande assembliée dé grôsses têtes en robes et chaînes d'office auve un tas d'hommes et d'femmes d'affaithes et d'avocats tchi pâlaient entouor la louai. J'tais dans eune rangie d'gens à r'garder la mé et né v'là tch'arrivîtent du bord du par un fliotchet d'néthes formes tch'avanchaient dé d'ssus la bliête. Coumme i' lus appréchaient nou viyait qué ch'tait un amas d'loups-mathîns tchi gabathaient sus lus râlîngues. Y'avait coumme un hâthîn d'caleu et les formes lampaient dans la lueu du solé. Nou dit qué ch'tait d'tchi rare d'vaie des loups-mathîn par ichîn, et en si grand nombre. Lé monde èrgardaient l'arrivée des loups-mathîns et la tèrre vînt mouoillie.

Rêvé l'2/9/2018

 

Viyiz étout:

 

Les Pages Jèrriaises