Les Pages Jèrriaises

Un rêve

J'tai à Saint Pièrre Port en Dgèrnésy et j'tais sus l'Espliannade. La mé 'tait à sénêtre et des boutiques à dêtre. Nou 'tait à filmer pouor tchique progranme ou annonche. Entré la mé et la route à sénêtre y'avait coumme eune pétite lisiéthe dé miellle êl'vée auve un c'minnet sus. Y'avait tchiques Dgèrnésiais tchi pâlaient en Dgèrnésiais coumme il' arrivaient à pid avaû chu c'minnet sus la mielle en v'nant du Nord. I' pâssîtent au haut d'la p'tite mielle épis i' d'valîtent dans la route. I' 'taient à pâler en Dgèrnésiais tout chu temps entouor l'Otchupâtion. I' crouaîsîtent la route épis ramontîtent la route un p'tit but en lus appréchant d'mé. Deux des Dgèrnésiais lus arrêtîtent sus l'trouttouaithe l'avant à eune aubèrge et ieune dg'ieux dit à l'aut' "Oh Pearl Harbor!" Épis touos ieux il' entrîtent dans l'aubèrge.

Rêvé l'29/12/2018
 

Viyiz étout:

 

Les Pages Jèrriaises