J'tais dans eune grande maîson tch'avait un bel en gravyi à l'avant et des f'nêt's ès bas. Ch'tait l'assinne et né v'là dans l'bel un moussieu et ieune dé mes couôsinnes. Lé moussieu 'tait à êpier par les f'nêt's pouor vaie par dédans. Habilyi dans un ben'gône, j'ouvris eune f'nêt' et mîns ma tête d'houors à seule fîn achîtrer ma couôsinne. Ou m'explyitchi qu'lé brit couothait qu'ma méthe avait 'té appouaintée à eune haute fonction tchique bord d'aut' et l'moussieu voulait lî pâler.
Mé, j'dis qu'j'n'en avais rein ouï entouor chenna et en tout cas ma méthe, sa tante, né d'meuthait pon ichîn. J'avais des grandes doutanches pouor l'brit, viyant qué ch'éthait 'té pus probabl'ye qué not' grande-méthe éthait 'té appouaintée à un poste dé même, un run d'ma méthe.
Ma couôsinne dit qu'véthe et 'tait pouor aller pâler au moussieu. Mais j'la hêlis et lî dit qué sans doute y'avait eune faute tchiquebord. Ch'est en tchi ché n'tait pon ma méthe, sa tante, qué nou voudrait pouor eune împortante position mais not' couôsinne (eune aut' couôsinne) tch'est journaliste. Nou-s'éthait peu bein s'tromper d'nom.
Rêvé l'3/8/2020
Viyiz étout: