Les Pages Jèrriaises

Un rêve

J'tais en travas dans eune êcole. L'unniforme d'l'êcole 'tait un mio militaithe en khaki auve des courtes braies. J'têmes dans eune grande salle et l'Gouvèrnément Catalan avait envyé eune vainnée d'livres à l'êcole et nou cârrit l's êcolièrs ès bords d'la salle à seule fîn d'abouler les livres dans la salle.

J'tais pouor r'aller vaie ma fanimil'ye et j'eus à viagi en train. J'arrivis à eune stâtion où'est qué j'tais pouor d'valer mais y'avait un creux d'laîze entré l'train et l'bord d'la pliateforme. Jé sautis pouor crouaîsià la pliateforme et j'avîns l'bord même d'la pliateforme où'est qué j'restais balanchi sans aver peux d'tchaie.

Rêvé l'1/10/2018

 

Viyiz étout:

 

Les Pages Jèrriaises