Les Pages Jèrriaises

Un rêve

Y'avait eune dgèrre tchiquebord d'aut', mais n'y'avait pon dé m'niche siez nous et tout 'tait comme d'amors. Mais né v'là dans les Ruettes à Saint Hélyi eune fîsée Cruise nos pâssit douochement à dans les chîn mètres en l'air. J'têmes sus l'trottouaithe dé l'Êst d'la rue et la fîsée d'valit du Nord en allant vèrs l'Odéon épis la Faithe. La fîsé fliottait douochement et quâsiment sans brit. Ou 'tait grôsse et bein longue et toute néthe. Par les bords d'la fîsée y'avait comme des ècrèdes tchi couvraient les tchuyaux d'êcappe epis y'avait comme des râlîngues. Quand la fîsé arrivit au bas des ruettes, un run dé soûfflier les bâtisses en l'air, ou sé l'vit pouor dgêper au d'ssus des liefs des offices épis, comme eune andgulle ou eune tchilieuvre, ou c'menchit dé s'teurtilyi comme si ch'tait pouor èrniflier sa butte. Ou s'nouachit, acouo eune fais douochement, et l'monde à r'garder chutte néthe criatuthe-machinne.

Rêvé l'2/7/2022
 

Viyiz étout:

 

Les Pages Jèrriaises