J'tais dans eune êcole dé l'Êst dé l'Île pouor explyitchi ès maît's et maitrêsses coumme tchi faithe eune léçon entouot Robert Burns en jèrriais. En rentrant en Ville sus ma bike j'tait pouor faithe un var à la carre d'la route tchi touônnait à dêtre pouor aller l'long du chînm'tchiéthe. Un cacheux d'vaituthe tâchit dé m'pâsser à la carre, mais croch'tit sa vaituthe contre la muthâle du chînm'tchiéthe. Jé d'valis d'ma bike pouor vais si l'cacheux 'tait bliessé et un aut' cacheux d'vaituthe driéthe mé s'arrêtit étout.
La police vînt nos prendre coumme des tQamouains et nos mînt sus en train tch'allait en Ville. Mé, i' m'mîîntent dans un aître ès prisonnyièrs sus l'train tchi 'tait assez confortabl'ye mais auprès un brîn j'pesis qu'i' m'avaient oublié. La porte 'tait barrée. J'poussis don l'bouton d'alarme au ras d'la porte pouor pâler à un offici. I' 'taient hardi raisonnabl'yes et m'êxplyitchîtent qué ma bike 'tait à bord et si j'pouvais espéther un mio dans l'allée du train ché s'sait mangnifique. Nou m'libéthit d'l'aître et j'm'assiévis sus un banc en d'houors d'l'aître.
À la Salle Parouaîssiale j'amontînmes à la salle où'est qu'i' y'avait des têmouains et officièrs. J'èrconnus un tas d'ches faches. I' 'taient touos habilyis en bruns fas, l'tou d'difféthentes tabl'yes.
Rêvé l'20/9/2023
Viyiz étout: