J'tais dans eune office remplyie d'gens pouor eune rêunnion, mais ch'tait eune rêunnion pouor d'aut' gens, pon pouor mé. Mais j'tais là en tout cas, et j'portais eune couvèrtuthe en pliastique d'eune machinne à photocopier qué jé n'pouvais pon mett' bas. Jé n'pouvait dgéthe rester mâté et j'eus à m'êtrav'ler sus un brun sofa, tréjous en m'croch'tant à la couvèrtuthe.
Épis j'tais à couôrre siez mé, l'travèrs d'la campangne jusqu'en ville en pâssant des maîsons. J'tais habilyi en fa et caûchi d'bottes, mais j'couothais assez quédaine. J'tais bein d'pouver m'èrmuer d'même. J'vîns à un carrefour. Endrait y'avait un c'mîn privé tchi 'tait freunmé pouor des travaux mais nou pouvait pâsser là à pid l'travèrs des gardîns et bels et maîsons. J'fus pus liain et j'vîns à eune caûminne où'est qu'nou-s'avait à pâsser l'travèrs du parleux. Lé parleux 'tait remplyi d'meubl'yes, auve des tas d'papièrs et pot'tie. Et ch'tait hardi dû à pâsser entre les meubl'yes. Épis né v'là un p'tit brun tchian tchi sautit dans mes bras et c'menchit à m'pâler d'eune vouaix houîmpante. Ch'tait quâsiment comprannabl'ye mais ché n'tait pon exactément du pâler. Tout coumme jé criyais pouver comprendre chein qu'lé tchian 'tait pouor dithe.u'
Rêvé lé 11/9/2024
Viyiz étout: