Mark Zuckerberg crèyonnit un portrait d'mé. Y'eut eune attaque dé zombîns. J'allis à eune exhibition dans eune maîson. Y'avait des portraits, et eune stchulpteuse avait stchulpté un liet: lé mat'nas 'tait finnement stchulpté en blianc marbe, épis y'avait des vrais lîncheurs et ouothilièrs sus. Jé m'couochi dans l'liet tchi 'tait bein confortabl'ye et caud et jé n'sentais pon l'marbe. J'pâlis à la stchulpteuse tchi 'tait à travailli sus des projets dans la tchuîsinne. J'éthais aimé acater l'liet mais jé n'pouvais pon l'affaûrder et j'n'avais pon d'run pouor l'exhiber. La stchulpteuse 'tait d'accord: y'en avait hardi tch'aimaient l'liet mais i' faudrait l'vendre à un milsoutchi. J'acatis iun des portraits pouor souaixante louis et ch'tait man portrait à mé - eune flieur en deux couleurs, eune blianche lîngne sus un fond couleu d'ochre.
Rêvé l'17/3/2011
Geraint Jennings
Viyiz étout: