J'arrivis à un carrefour sus ma bike et j'avais à crouaîsi à eune grande route tchi montait amont et touônnait à gauche en montant. Y'avait dans les siêx vouaies d'trafi et un c'mîn à bike couleuthé en vèrt à drouaite, mais ch'tait d'mêtchi d'crouaîsi lé trafi d'ava pouor y'arriver. Dans châque vouaie d'ava y'avait des taques dé vèrt pouor qu'les cyclistes pûssent changi d'vouaie en d'valant. J'fis sèrvi ches taques pouor pédaler amont les vouaies d'ava pouor arriver au c'mîn à bike à drouaite. Au pouorportant d'la grande route et du c'mîn à bike, un mio pus êl'vé, y'avait un tèrrain d'sport. Un mênagi d'êtchipe dé rugby m'hêlit et m'dit qu'sa balle dé rugby avait pèrdu un mio d'soûffl'ye et i' voulait la pomper. J'pouôrrais-t-i' li'aîdgi? J'avais à tcheindre la balle entré mes tchiêsses. J'dis qué chenna m'faîthait ma à la p'lote.
Rêvé l'8/12/2018
Viyiz étout: