Les Pages Jèrriaises

Un rêve



J'têmes dans des bèrrexes. Y'en avait trais d'nous dans eune grande blianche chambre dé bèrrexes. J'criyêmes qué d's aut's soudards veindraient nos battre viyant qué j'têmes à couôrre les soudardes. J'nos griyêmes à seule fîn d'nos d'fendre mais quand les soudards arrivîtent nos battre, i' 'taient armés d'ouothilièrs pouor eune bastaude à ouothilièrs. Ch'est en tchi i' n'taient pon mârris entouor nous et les soudardes.

J'pâssînmes des soudardes tchi disaient qu'il' aimaient des muscl'yes. Mé, en pâssant, j'lus mouontris mes muscl'yes, mais les soudardes n'taient pon întèrrêssies pouor mes muscl'yes. "J'aimons l's hoummes muscliés," qu'i' m'dîtent. "Mais té, jé n't'aimons pon."

Geraint Jennings
2010

 

Viyiz étout:

 

Les Pages Jèrriaises