Au profond dé mes niets
J' m'enmêle dans mes rêves
Tchi 'rfusent dé dispathaître
Tchi m'embêtent et m'harrassent.
Jé sis tout tourmenté
Tout en mé est niercheu,
Géné coumme un solé
À la chèrche dé ses lueurs.
Èrfrain:
Rêver, rêver,
Êcapper à sa niet, et pis,
Rêver, rêver,
Attendre la pointe du jour, et pis,
Habille, habille,
Dé lumièthe lé souorithe,
D'un jour de jouaie,
Tchi s'revil'ye dédans me!
Dans man qu'min tortuthé
J'traverse avec lé vent,
Jé n'peux pas èrtergi,
Balloté sans lâchi
Coumme eune marionette
Tchi chèrche à s'êcapper
Dé la happe du piège
D'un rêve affolé.
Èrfrain:
Rêver, rêver,
Êcapper à sa niet, et pis,
Rêver, rêver,
Attendre la pointe du jour, et pis,
Habille, habille,
Dé lumièthe lé souorithe,
D'un jour de jouaie,
Tchi s'revil'ye dédans me!
|
