Au mitan d'eune ville y'avait un gardîn à la carre dé deux rues - eune grande rue pus bâsse et eune aut' rue tchi d'valait un mont. Lé gardîn 'tait l'entrée à eune unnivèrsité ou un collège ou tchique aut' înstitution. Les bâtisses 'taient modèrnes et l'gardîn avait des formes en chînment. Y'avant deux néthes hèches pouor entrer dans l'gardîn épis aver accès ès offices: ieune dans la rue tchi d'valait et l'aut' pus bas dans la grande rue où'est qu'i' avait des boutiques et du trafi. Jé d'valis la rue du bord et poussis ma bike par la hèche, tchi 'tait pus êl'vée mais tch'ouvrait en bas du gardîn. Tchuthieusement, la hèche d'la grande rue 'tait mains êl'vée mais s'adonnait au haut du gardîn où'est qu'i' avait des tèrrasses et un c'mîn rapide tchi d'valait en s'teurtilyant, et ché n'tait pon aîsi dé d'valer auve la bike viyant qu'lé c'mîn 'tait si êtrait. Y'avait eune femme là étout auve sa bike.
Rêvé l'19/11/2023
Viyiz étout: