Les Pages Jèrriaises

Un rêve

J'tais dans eune salle dans la Salle Pârouaîssiale, mais ch'tait à haut à un êtage bein êl'vé et y'avait eune veue l'travèrs des grandes fénêt's sus la Ville. La salle 'tait modèrne, auve un tapis couleu d'crème et de bâsses rouoges grandes tchaîses bein confortabl'yes. Y'avait d's architectes tchi 'taient à nos présenter des plians pouor un châté r'nouv'lé auve des facilités pouor des vîsiteurs. Ch'tait pouor èrbâti des parties du châté. L's architectes nos mouontraient des plians des travaux proposés pouor l'châté. D'un co, la salle quémenchit à tremblier. Lé bâtisse châtchit deux-trais fais. Ch'tait un trembliément d'tèrre. Mais chenna s'pâssit et nou continnuit la présentâtion du châté, épis la salle craûlit et tout l'bâtisse sé touônnait à drouaite par un quart ou pus dé tou. J'viyais la Ville tchi s'touônnait l'travèrs des f'nêt's quandi qu'tout craûlait. Mé' j'm'en fus à l'us, et la porte ouèrte, jé m'mâtis dans l'ussel'lie viyant qué j'savais qué ch'tait la miyeu pliaiche d'êt' duthant un trembliément d'tèrre. Mais l's aut's dans la salle n'taient pon trop gênés en tout.

Rêvé l'17 dé Févri 2017
 

Viyiz étout:

 

Les Pages Jèrriaises