Ch'tait dans eune unnivèrsité Baltique, jé crai qué ch'tait en Estonnie, Nou m'nait un expéthînment. Dans eune ênorme salle ou amphithiâtre nou-s'avait tendu un drannet à haut près du pliafond tchi couvrait tout l'run.
Des gens lus êtrav'lîtent àdentés sus l'drannet, et d'en bas nou tithait d's armes amont sus les gambes ès gens êtrav'lés sus l'drannet à seule fîn d'tester l's armes.
Chenna n'tait pon s'posé d'faithe du dro. Les boulets laîssaient des p'tites rondes dé rouogeu sus la pé des gambes. Nou-s'êtudyit les rouoges mèrques sus les gambes en les m'suthant. Nou dit qu'la rouogeu dévthait bétôt s'pâsser. Ouaithe qué chenna n'fûsse pon s'posé d'faithe ma, les mèrques né lus r'dgéthissaient pon et faîthaient ma (mais nou n'pouôrrait pon dithe qué ch'tait des bliesseûthes tout coumme).
J'allêmes par des offices dans des bâtisses dé l'unnivèrsité à seule fîn dé d'mander des tchestchions, mais n'y'avait pon grande monde, et nou nos oblyigit d'tchitter la cliôsée d'unnivèrsité.
Rêvé l'8/6/2020
Viyiz étout: