J'tais dans la rue et j'avais eune tchuîsinne. J'tais pouor graie des steaks. Les steaks 'taient p'tits et pus à co ronds coumme des médales. Y'en avait dans la douzaine. Tchiqu's'uns des steaks 'taient pus grands qu'les aut'. J'mîns les steaks à dêssaler dans eune bollée dg'ieau, mais un nièr et blianc tchian dé mouoyenne grandeu vînt gaffer iun des steaks dé d'dans la bolle. Jé n'pus pon lé faithe laîssi tchaie lé steak, et j'lî fliantchi eune pétite ouappe sus l'mûsé à seule fîn d'li'apprendre qué ch'tait du mêché. Lé tchian n'sembliait pon gêné et auprès un brîn r'vînt gaffer acouo un steak.
Rêvé l'10/3/2024
Viyiz étout: