J'têmes à eune maîson à la campangne, mé et eune êtchipe dé vigu'thie, l'directeu et l'vidgeux. L'aûgnyi d'la propriêté 'tait pour la dêcrînminnalîsâtion d'la drogu'thie. J'têmes pouor faithe d'la publyicité pouor la proposition d'dêcrînminnalîsâtion. Dans l'gardîn d'la maîson y'avait un enclios pouor des lémurs. Assis sus un jutcheux l'avant à eune pétite maîson en bouais pouor les lémurs, y'avait un p'tit brun et blianc lémur. J'êprouvînmes à vidgi eune entréveue auve lé lémur. Jé d'mand'dais des tchestchions au lémur coumme si ch'tait un politicien. Mais quand jé d'mandais ches tchestchions au lémur, ma fache 'tait trop près d'li, et l'lémur vînt mârri et fit des grîngnes et sûfflyit. L'directeu dit qué ché s'sait mus d'aver tout sîmpliément eune vouaix tch'explyitchait sus les portraits du vidgo.
Rêvé l'30/4/2024
Viyiz étout: