J'tais à Ba, en Angliétèrre, et j'fus à l'Abbaye d'Ba tôt l'matîn. J'trouvis eune porte et j'entris. En d'dans les mousses du tchoeu d'la cathédrale 'taient à pratitchi lus chants sus la musique d'un piano. La leunmiéthe d'en d'houors pâssait l'travèrs des vèrrinnes et rîlyait les colonnes et pilièrs atout des rîl'yes comme un tigre. Les mousses finnîtent lus pratique épis dans la grande allée d'la cathédrale y'eut un sèrvice pouor l'Ordre dé Saint Jean, auve des membres d'la congrégâtion dans d's unniformes et auve des banniéthes. J'm'en fus. J'êcrivis eune poésie entouor un tigre, înspithée par la leunmiéthe sus les muthâles dé la cathédrale. À eune rêunnion j'èrcitis chutte poésie. Un homme dans l'audienche (tchi n'tait pon grande) mé d'mandit entouor un mot "accouôtre" dans la poésie qu'i' n'avait pon comprîns.
Révé l'3/8/2023
Viyiz étout: