J'tais dans eune bibliothèque et y'avait des hauts ais et j'grîmpis amont l's ais pouor arriver à haut épis j'décidis d'crouaîsi d'un ais à l'aut' endrait sans aver à d'valer. J'aveingnis l'ais endrait et mé v'là croch'té au haut d's ais sans pouver d'valer. J'avais peux et jé d'mandis d'l'aîgue au monde. J'avais louochi les livres dé sus l'ais et j'tais agrippé à ch't ais dé haut sans pouver mett' les pids bas. Ma douoche vînt aupi d's ais et m'èrgardit en s'pliaingnant qué jé n'li'avais pâlé d'pis chîn jours. J'tais à lî braithe d'à haut qué j'avais peux et j'tais sus un ais, mais ou n'tait pon întérêssie. Épis j'pensis qué chutte hardelle là n'tait pon ma douoche et jé n'pouvais pon comprendre pouortchi qu'ou 'tait v'nue m'dithe qu'ou n'avait pon ouï d'mé - ch'est en tchi ou m'tait înconnue. Et j'tais acouo à braithe qué j'avais peux.
Rêvé lé 10/10/2016
Viyiz étout: