J'tais au liet à haûter et un janne houmme arrivit pouor mé rêvilyi. J'lî dis qué i' 'tait raîque sept heuthes et qu'j'avais un titchet pouor viagi pus tard mais i' m'rêponnit qu'i' 'tait un seurvilyant, li, et qué j'tais man d'vé d'mé l'ver dêliêment pouor eune vîsite d'la couôsinne d'la Reine chu matîn-là. I' m'dit qu'i' 'tait d'mêtchi d'mett' mén euniforme sans r'tèrgi d'aut'. La chambre 'tait coumme un compartiment d'train et deux d'mes anmîns 'taient endormis au liet endrait mé. Mén euniforme 'tait dans un baheur souos lus lyits. J'eus à souôl'ver lus matn'as en les rouôlant avant un mio pouor pouver dêhaler man baheur sans les rêvilyi. J'mîns m'n euniforme et l'janne houmme 'tait à r'garder un bouais à l'aut' bord d'l'allée. Lé bouais 'tait bas et un mio coumme un saule dé Babylonne, sans fielles et auve eune rouoge êcorche. J'm'en fus au bouais et j'vis qu'i' y'avait des p'tits vèrts boutons sus les finnes brantchettes traînantes. J'èrpotis des buts d'brantchettes à seule fîn qu'i' pûssent craître.
Rêvé l'1é d'Févri 2015
Viyiz étout: