J'têmes ès bords d'eune ville pouor înspecter eune maîson ou un clios tchi 'tait proposé pouor un dêv'loppement. Avaû eune ruette ou entré-deux, à dêtre y'avait la brècque du clios tch'avait 'té laîssi paître ès coucous. À l'entrée y'avait trais assez grandes pliantes dé difféthentes manniéthes et sus châque pliante y'avait eune belle grande însecte. Les însectes 'taient dé difféthentes couleurs à seule fîn dé d'ganner les fielles sus tchi qu'i' 'taient assises. Ieune 'tait néthâtre épis y'en avait ieune tch'avait du bliu d'auvé lé vèrt, et l'traîsième avait des difféthentes manniéthes dé vèrt. L's însectes 'taient un mio difféthentes l'ieune d'auve l'aut' pouor l's ailes et les gambes et l's êcales et il' avaient du pé ou des p'tites plieunmes étout tchi lithaient au solé.
Rêvé l'30/3/2023
Viyiz étout: