Les Pages Jèrriaises

Un rêve

Y'avait d's ênormes cottes souôtèrraines où'est qu'nou soulait minner d'l'argent. Nou viyait dans les muthâles dé rotchi des veines teurtilyies d'méta tchi mouontraient la minn'nie du temps pâssé. J'vîsitêmes les cottes où'est qu'i' y'avait des mathes dg'ieau et des hommes comme des gardeurs dé vaques nos mouountraient comme tchi rajanni la pé atout l'ieau. Nou s'baîssait pouor mett' sa fache dans l'ieau ou sa tête souos l'ieau et des bouoillons d'hellium dans l'ieau pétillaient l'travèrs d'la susfache d'la pé. Épis la fache èrlithait, toute rafraîchie.

Rêvé l'6/11/2019

 

Viyiz étout:

 

Les Pages Jèrriaises