J'tais dans un bâtisse publyi au haut d'eune mangnifique montée auve eune balustrade en fé et sus la tripselle y'avait eune porte à dêtre pouor entrer dans eune salle et j'tais habilyi dans un fa auve des pouques sus des strapes lé tou du co et un cylîndre à plians étout et j'avais à entrer dans la salle.
Sus la tripselle y'avait étout eune danme et y'avait des stchulptuthes sus des piédestaux. Les stchulptuthes 'taient Baroques auve des fielles corlées et des buts teurtchis, les piédestaux 'taient hauts et tenvres en fé et pliâtre et pot'tie. Lé pliâtre 'tait êbequ'té et nou viyait l'fé d'dans. La danme m'èrgardait coumme jé tâchais d'entrer dans la salle par la porte en pâssant par les stchulptuthes, Mais les strapes lus houtchîtent sus les buts des stchulptuthes et j'vîns tout enhèrmélé et v'là tchi m'nichait d'haler bas les stchulptuthes si j'tchiyais dans l'aithe. Jé n'pouvaais pon m'en d'sembourbéler et j'm'êtrav'lis dans l'aithe acouo houtchi ès stchulptuthes. J'briyis "Aîdgiz-mé! Aîdgiz-mé!" pouor qu'des gens vînssent m'aîdgi. La danme m'èrgardait tréjous sans m'aidgi. Ma vouaix dév'nait pus faibl'ye.
Rêvé l'23/6/2018
Viyiz étout: