Les Pages Jèrriaises

Un rêve

Nou-s'avait ouvèrt eune nouvelle boulangu'thie-café dans l'marchi. J'têmes là à vîsiter. Nou nos explyitchit qu'nou-s'avait r'gardé un aut' endrait pouor la boulangu'thie, mais n'y'avait pon là-bas à l'aut' but d'la Ville assez d'pâssants pouor remplyi la d'vantuthe dé b'veurs lé sé. Lé dêmnîn d'la boulangu'thie n'pouvait pon enduther sans les pratiques tch'y v'naient baithe du café l'jour et d'la litcheu l'sé. D'un bord d'la boutique, y'avait un compteux l'avant ès ais remplyis d'long pains et aut's pains, touos bein êcliaithis et bruns et dorés. D'l'aut bord d'la boutique y'avait des tabl'yes et des hautes scabelles dans la d'vantuthe pouor les cheins tchi voulaient baithe dé tchi. Dans la carre y'avait un grais auve eune sâsse-paine sus. Dans la sâsse-paine y'avait eune êtchuivé Portûndgaise dé paîsson. Y'avait d'dans des tranches dé sardinnes, d'la sauce et des pâtes. Mais chein tchi 'tait r'mèrtchabl'ye 'tait qu'l'êtchuivée 'tait bliue. Et y'avait eune manniéthe dé bliue g'lée là d'dans. Nou rêmouit la bliue êtchuivée à seule fîn qu'la bliue g'lée né spartithîsse.

Rêvé l'15/7/2023

 

Viyiz étout:

 

Les Pages Jèrriaises