Eune journaliste mé d'mandit s'i' y'avait eune expression pouor dithe "mett' sa tête dans un fou". Ch'est en tchi l'Gouvèrneux li'avait d'mandé s'i' y'en avait, car i' voulait en pâler quand i' viageait en France. J'lî dis qué ch'tait eune couôteunme du Gouvèrneux, ch'tait san pâssetemps d'mett' sa tête dans un fou pouor s'abûther. La journaliste mé rêponnit et m'dit qu'oulle avait r'mèrtchi dans la Maîson du Gouvèrneux eune mouontréthie d'photos du Gouvèrneux à grappîns auve sa tête dans un fou, ou un âtre, ou un fouoyi. J'dis qu'eune expression pouor dithe "mett' sa tête dans un fou" n'lî sèrvithait pon en viageant viyant qu'mett' sa tête dé même dans un fou 'tait contre la louai en France et qu'Sén Excellence né pouôrrait pon don en pâler hors pays.
Rêvé l'14/2/2019
Viyiz étout: