Y'avait eune caûminne (ou les d'lacres d'eune caûminne) en grannit sus eune falaise. Lé solé lithait. Dans la caûminne un artiste dé tatouêthie 'tait à travailli. Pouor aller en d'houors i' fallait protégi les tatouêthies contre lé solé. Mé j'n'avais pon d'tatouêthies mais j'avais des mèrques laîssies avaû ma gambe dé dêtre par man co d'tchoeu. Eune belle hardelle 'tait là pouor aîdgi à onguenner les tatouêthies, et atout du ouadinne et dé hielle, ou d'l'onguent, ou douothait douochement et souongneusement les mèrques sus ma gambe.
Y'avait un coupl'ye dé vîsiteurs dans la caûminne et l'artiste n'avait pon assez d'run pouor travailli. I' dit qu'i' y'avait trop d'monde par-dédans, mais en tout cas ch'tait Dînmanche et y'avait mains d'gens qu'les aut' jours d'la s'maine.
Rêvé l'25/7/2024
Viyiz étout: