J'tais dans eune grande salle tchi n'tait dgéthe êcliaithie. L'pliafond 'tait bas et y'avait eune bâsse strade au fond. Dans la salle y'avait des p'tites rondes tabl'yes châtcheune auve des scabelles lé tou. J'tais là pouor vîsiter la salle épis aller tchique bord d'aut' auprès, mais quand eune èrprésentâtion d'eune pièche dé Shakespeare quémenchit sus la strade, jé restis dans la salle ouaithe qué j'n'eûsse pon d'titchet. J'trouvis eune tabl'ye du bord d'la strade et j'm'êtrav'lis sus des scabelles. L'audienche arrivait dans la salle et i' lus assiévaient ès tabl'yes. Bétôt j'avais un êdrédon et tchiques ouothilièrs et j'tais bein confortabliément couochi sus les scabelles. Et j'haûtais là. Auprès eune pause, j'mé l'vis et baillis d's ouothilièrs à trais d'mouaîselles assises à la tabl'ye acanté mé (i' 'taient r'mèrciantes) et j'm'en fus dans un aut' thiâtre.
Rêvé l'28/9/2017
Viyiz étout: