J'tais dans eune grande ville en Belgique où'est qu'nou pâlait eune langue tchi sembliait êt' lé Ouallon. Y'avait eune conféthence, dans eune grande salle ou thiâtre, tchi 'tait coumme eune fête ou eune exhibition. Nou présentait des pièches dans lus langues mais j'arrivis tard et j'avais mantchi hardi des textes. Y'avait dans l'exhibition des boêtes en bouais tchi cont'naient des p'tites stchulputhes, assez prînmitives, en bouais, peintes rudement. J'tachis d'mett' mes pids dans ches boêtes à seule fîn d'les faithe sèrvi coumme des bottes ou des chabots, mais les boêtes 'taient trop p'tites et étant cârrées n'allaient pon bein sus mes pids, et en tout cas les p'tits buts d'bouais stchulptées d'dans n'taient dgéthe confortabl'ye. Nou-s'avait changi d'format pouor la conféthence et y'avait mains d'gens là. Nou dîthait qu'i' vaudrait mus r'aller au vièr format la préchaine fais.
Rêvé l'29/4/2024
Viyiz étout: