Les Pages Jèrriaises

Un rêve

Ch'tait la niet. J'tais dans la rue dans eune ville et j'tais pouor acater un vidgo ou eune gamme êlectronnique et j'voulais êcanchi la machinne-chouette. J'mîns bas la machinne sus l'pavé et j'pliodgis la machinne dans la muthâle d'la rue et la machinne s'êcliaithit auve eune leunmiéthe tchi 'tait orange, fouaibl'ye et trélûthante. La forme d'la machinne 'tait d'la grandeu d'eune tête et ch'tait un mio coumme eune tête sans fâche ou eune boule d'orange gliaiche un mio fondue. La leunmiéthe êcliaithait fouaibliément la rue et l'pave d'laîze. V'là tch'arrivit eune janne femme auve un êfant tchi mé d'mandit entouor la machinne et s'i' valait en acater pouor l'mousse. J'lî donnis m'n avis. Épis y'avait des tabl'yes en pièrre sus l'pavé. La janne femme s'assiévit à ieune des tabl'yes auve eune d'mié douzaine dé monde. I' 'taient habilyis en néthes câsaques en tchui et mangeaient des boêtées d'fricachie Chinnouaise atout des badgettes. La janne femme mé pâlait acouo.

Rêvé l'27/8/2015

 

Viyiz étout:

 

Les Pages Jèrriaises