|
J'tais auve des gens à un sèrvice ou eune pratique dé pathade dans eune grande salle ou grand bel. Y'avait des bancs et un tas d'jaune tout l'tou coumme lé run 'tait bein êcliaithi. Y'avait un texte qué nou-s'avait d'la diffitchulté à liéthe et nou mé d'mandit d'liéthe la pièche à haut. Ch'tait ofûche eune priéthe ou eune lectuthe d'la Bibl'ye mais l'texte 'tait mèrtchi coumme si ch'tait du papi d'musique et y'avait eune înstruction "atacantément" - v'là tchi voulait dithe qué nou 'tait s'pôsé d'liéthe la pièche d'eune manniéthe attatchante, d'attatchi les patholes coumme eune attaque militaithe. J'fis d'man mus, mais l'texte 'tait si mal înmprînmé auve des caractéthes dé travèrs et au mains eune lîngne à la renvèrque qué j'chopais coumme jé tâchais d'lé liéthe d'eune ièrre. Rêvé l'4/12/2017 |
Viyiz étout: