J'tais à travailli dans un mûsée tch'avait eune exhibition dans un coupl'ye d'êtages auve d'la rouoge tèrre comme aithe. J'tais pouor faithe eune présentâtion dans les gall'lies sus un j'va sus tchi qué j'pouôrrais amonter dans l'ascenseu. Mais pouor d'valer du pus haut êtage dé l'exhibition, j'éthais à aller à j'va d'l'êtage dé haut à l'êtage en d'ssous par eune manniéthe dé d'valeux, quâsiment eune êcriliade, en rouoge tèrre d'un êtage à l'aut'. Lé j'va 'tait nièr. Lé d'valeux 'tait hardi rapide mais lé j'va n'en 'tait pon gêné.
Ès bas ma grand'méthe arrivit pouor vîsiter l'mûsée. Ou 'tait habilyie en des habits bigathés, mais ou 'tait trop malade pouor monter dans l'ascenseu.
Rêvé l'24/9/2022
Ch'tait d'apprendre pus entouor un moussieu tchi d'meuthait par la carre dé siez nous. Les maîsons avaient d'l'architectuthe un mio fantastique auve des colonnes sus les côtchiéthes et des tenvres cheunm'nées.
Dans la maîson au moussieu nou-s'avait à laîssi les chapieaux dans un appartènement à haut oï'est un valet les r'chévait. Pouor les chapieaux d'pâle, lé valet prannait l'chapé, l'apliatissait, épis l'rouôlait, en ajouôtant un but d'pâle (comme ch'tait copé d'un chapé d'pâle en forme dé trian, bordé d'riban). Chu trian en pâle 'tai comme eune nâsiéthe pouor protégi la partie du chapé tchi restait au d'ssous du nez.
Rêvé l'25/9/2022
Viyiz étout: