J'portais un boutchet quand j'entris dans un p'tit supèrmarchi. La boutitchiéthe mé dit qu'i' n'tait pon pèrmîns d'apporter des pouques (ni des pangnièrs) dans la boutique.
Mé j'lî rêponnis qu'i' n'y'avait pon d'êcritchieau pouor dithe ès acateurs qu'les pouques n'y 'taient pon pèrmînses et lyi à m'rêpondre qué si-fait. Ou m'emm'nit hors d'la boutique à seule fîn d'mé mouontrer l'êcritchieau.
Lé p'tit supèrmarchi 'tait ès bas d'un vièr bâtisse pus à co cârrée à deux-trais êtages, peint en bliu-gris, ofûche. La boutique 'tait un blio entre deux pus grandes rues auve des ruettes des deux bords. L'entrée s'adonnait sus ieune des pus grandes rues. J'fînmes lé tou du bâtisse d'auve lé solé: à sénêtre dé l'entrée i' n'yavait pon d'êcritchieau (j'avais entré par chu bord-là), et pouor lé restant du bâtisse i' n'y'avait pon d'êcritchieaux d'vant qué j'vînssions à la muthâle à dêtre dé l'entrée tchi 'tait couèrte d'êcritchieaux d'haut en bas. Parmi l's êcritchieaux dans des lettres pus p'tites, v'là tchi disait qu'i' y'avait des p'tites maîsons Roumaines ou Ukraîniennes, mais brîn entouor des pouques.
Rêvé l'2/4/2022
Viyiz étout: