Les Pages Jèrriaises

Un rêve

J'têmes à la campangne, y'avait ofûche deux-trais bâtisses à l'entou. Au liain y'avait la côte. Un soudard arrivit du bord d'la mé sus la grève au liain d'nous. I' 'tait habilyi en unniforme auve eune cravate vyié l'tou d'san co et eune partie d'sa tête. Nou n'viyait pon sa fache. I' 'tait coumme un aventuthyi ou un espion. I' tchiyait d'la plyie à vèrse et nou n'viyait pon cliaithement. Dans un pré, y'avait un ênorme gris rhinocéros. Lé soudard s'êtchèrfroutchit sus chu rhinocéros et s'arrouit en galopnant vèrs nous l'travèrs d'la campangne. Ch'tait tout du pité et il en dêtchèrtchait. Lé soudard à rhinocéros drissait, et il avait quâsiment tchée. Mais i' continnuait d'galoper et il arrivit auprès d'nous, d'valit du rhinocéros et s'en fut s'en d'menter d's affaithes.

Rêvé l'19/1/2017

 

Viyiz étout:

 

Les Pages Jèrriaises