J'tais à la campangne et y'avait eune route. Au pouorportant y'avait eune mâsse muthâle en grannit auve des bârrotîns sus. Les bârrotîns 'taient peints en rouoge cliai et dorés ou peints en jaune ou or ès buts. Driéthe la muthâle y'avait des bouais, dé tchi les trous avaient 'té stchulptés et couleuthées ligiéthement. Lé solé lithait. Quand j'arrivînmes à un cèrtain pouaint dans la route, chein tch'avait 'té stchulpté sus les trous 'tait visibl'ye, mais i' 'tait d'mêtchi d'lé vaie d'eune cèrtaine carre pouor en aver l'êffet. Ch'tait eune couleu d'Jèrri, mais au run d'l'êtchusson auve les léopards y'avait au mitan un ovale lé tou d'un buste d'eune reine auve des rayons d'solé géométriques lé tou d'la tête.
Rêvé l'6/8/2025
Viyiz étout: