Dans la rue, y'avait des vainnes dé marchi partchies un mio sus l'pavé, et y'avait un êcritchieau mâté sus l'pavé tchi cliogeait l'pâssage pour les piêtons. Dé driéthe l'êcritchieau, un objet rouogeâtre boulit hors. Ch'tait un but dé tuile ou d'pot'tie en rouoge tèrre, grande comme eune balle, mais irrédguliéthe. Ou boulait sus l'pavé et j'èrmèrtchis qu'i' y'avait un rond creux dans la céramique, Dans l'creux y'avait eune lêzarde tchi s'en dêhalait la tête par bordée pouor vaie où'est qu'ou 'tait. Né v'là eune loutre sus l'pavé tchi fut tapée par la pot'tie boulante. Ou n'savait pon tch'est qué ch'tait et c'menchit à jouer auve chutte balle. J'pensis qu'la loutre rêalis'sait bétôt qu'i' y'avait eune lêzarde dédans. Et quand la loutre rêalisit qu'dans l'creux dans la balle y'avait eune lêzarde, oulle êprouvit d'dêhouler la lêzarde. Mais lé creux 'tait trop p'tit et la loutre né pouvait pon y mett' la patte avant assez.
Rêvé l'7/5/2023
Viyiz étout: