Y'avait eune ruette à Londres auve des vièrs bâtisses. J'tais dans iun d'ches bâtisses à seule fîn d'èrgarder d's archives. Tout coumme les archives avaient 'té r'mués y'a du temps, par cause du Blitz, siez l'paîssonnyi à deux-trais bâtisses pus liain du même bord avaû la ruette. J'm'en fus siez l'paîssonnyi dé tchi l'bâtisse avait 'té restauré en grande maîson êlégante auve un restaurant ou grande salle à mangi au preunmié êtage. Y'avait des pannieaux stchulptés en bouais sus les muthâles, peints en blianc. Y'avait des vièrs portraits dans la salle et des tabl'yes et des tchaîses d'la manniéthe du dgiêx-huitchième siècl'ye. Lé bouais du meubl'ye étout 'tait peint en blianc.
Rêvé l'13/1/2024
Viyiz étout: