Les Pages Jèrriaises

Un rêve

J'tais pouor rarreuner un gardîn dg'ieau dans un bel. Lé bel 'tait mucre auve des p'tits cannieaux entre des pavés. Y'avait des bordeûthes mousseûthes et jet dg'ieau tchi dévthait vèrser dé ieux sus un pliaton vèrdi d'vrai d'vivyi.

Un co les r'pathes finnies, l'ieau coulait et nou m'èrmèrcyit pouor lé travas. Des vèrtes pommes, des tchêtinnes, avaient 'té louochies. J'ramâssis des pommes et les mîns dans un grand pot en pièrre tchi 'tait sait d'faichon sait d'natuthe à un fi près prînmitivement en forme dé pomme. Y'avait un couèrcl'ye où'est qu'lé pid d'la pomme éthait deu êt'. J'halais l'couèrcl'ye à seule fîn d'y laîssi tchaie les tchêtinnes. Lé pot 'tait remplyi dg'ieau. L'atmosphéthe 'tait rafraîchissant et tout 'tait calme achteu qu'lé gardîn 'tait r'grée.


Rêvé l'5/7/2022
 

Viyiz étout:

 

Les Pages Jèrriaises